नामाकरण :-
         यस माक्पा वडाको नाम कसरी रहन गयो भन्ने वारे एउटा किवंदन्ती पाईन्छ । धेरै–धेरै वर्ष अगाडीको कुरो हो । अहिलेको माक्पा वडा निर्जन जङ्गली क्षेत्र थियो रे जहाँ केवल भेडेकुरो र ऐसेलुका झाडीहरु रहेका थिए । यस माक्पा वडामा बस्ती बस्न वडाको नाम नामकरण हुनुभन्दा अगाडी हालको सिम्पानी बाक्सिलाको सिमाना गाउँबाट गान्पा र रतेपा नाम गरेका दुई जना दाजुभाईको बसोवास रहेको थियो । ती दुई दाजुभाई मध्ये एउटा भाई धामी थियो । आफ्नो सुरक्षाको लागि कुकुर पालेका थिए । जसको नाम माकिपा थियो । दुवैजना अलग–अलग भएर शिकार गर्न जान्थे । एक दिनको कुरा हो । त्यो माखिपा नाम गरेको कुकुर एक विहान देखि हरायो । दिउँसोतिर जिउभरी भेडेकुरो र मुखभरी रगतले लत्पतिएर आयो । लत्पतिएको रगत आफ्नो मालिकलाई देखाउदै कुईकुईको आवाज निकाली जङगलतिर जाँदै घरतिर फर्किदै गर्न थाल्यो । यसरी पटक पटक कुकुरले गर्दै गरेको अनौठो क्रियाकलाप देखेर त्यो कुकुरको अमुक भाषा उस्को मालिकले बुझिसकेको थियो । कुकुरले व्यक्त गर्न नसकेको भाषा बुझिसकेपछि रतेपा र कुकुर दुवै अगाडी पछाडि गर्दै बाटो बनाउदै जाँदा एउटा क्षेत्र देखियो । जहाँ भेडेकुरो र जङगलले घेरिएको खुल्ला चौरमा एउटा मृग मरेको थियो । त्यो मृग मारेको देखेर कुकुरलाई माया गर्दै रातेपा खुसिले गद्गद् भए त्यो भन्दा पनि बढि खुसि बस्न लायक ठाउँ पत्ता लगाएको ठाउँ बस्न लायक भएकोले दुवै दाजुभाई गान्पा र रतेपाले दुमी राई बाक्सिला सिम्पानी लाई छाडेर हालको माक्पा भन्ने ठाउमा बसोबास गर्न थाले । यसरी माखिपा नामको कुकुरले पत्ता लगाएको हुँदा माखिपाबाट अपभं्रस भई माकिपा हुँदै हालको माक्पा रहन गएको किवंदन्ती छ ।
 
भौगलिक अवस्थितिः– 
        वडा नं. ७ माक्पा २७० १८’ ३०” देखि २७० २१’ ३०” उत्तरी अक्षांश सम्म फैलिएको छ । त्यस्तै ८६० ४३’ ३०” देखि ८६० ४६’ ५०”  पुर्वी देशान्तर सम्म रहेको छ । 

सिमानाः–
         यस ७ नं. वडा माक्पााको पुर्वमा १ नं. वडा राखा, पाश्चिममा रावा वेसी गाउँपालिकाको दुवेकोल उत्तरमा ३ नं. वडा ऐसेलुखर्क वडा दक्षिणमा दिक्तेल रुपाकोट मझुवा गढि नगरपालिकाको जालपा सित सिमाना जोडिएको छ ।
       
क्षेत्रफलः– 
      यस वडाको क्षेत्रफल १६.५३ वर्ग कि.मि.तथा १,६५३.०१ हेक्टर रहेको छ ।

हावापानी :-
       यस वडाको हावापानी विषमतापुर्ण छ । यस वडाको माथिल्लो भेगमा अलि चिसो हुन्छ । यस भेगको हावापानी समशितोष्ण प्रकृतिको पाईन्छ । यस वडाको तल्लो भाग बेंसी तथा खोच पर्दछ । यहाँको हावापानी उष्ण छ । धेरै जसो भागमा समशितोष्ण हावापानी रहेको छ ।। 

प्रमुख नदीहरु तथा खोलानालाहरु :-
रावाखोला 
चङखोला
वन्चरे खोला 

स्थानीय पर्यटकीय स्थलहरु:-
सपनेश्वर महादेव

प्रमुख धर्महरु :-
      यस वडामा हिन्दु धर्म,  किरात धर्म धर्म मान्ने मानिसहरु  रहेका छन् ।

प्रमुख जात जातिहरु :-
७ नं. वडा माक्पामा क्षेत्री, ब्राहमण, मगर, कामी, राइ,  दमाइ, सार्की,  संयासी,  भुजेल,  आदि जातिहरुको वसोवास रहेको छ । 

उच्च शिक्षा तथा विद्यालय :-
      यस ७ नं. वडामा ५ वटा प्रारम्भिक वाल विकास केन्द्र, ४ वटा प्राथमिक विद्यालय, २ वटा आधारभुत विद्यालय ,  १ वटा माध्यमिक विद्यालय  रहेका छन् ।