ऐतिहासिक पृष्ठभुमि :-
        नेपालको ऐतिहासिक पृष्ठभुमि सामन्ति राणाशासनको पाला देखिनै रहेको पाईन्छ । राणाशासनको समयमा १९३५÷३६ सालमा ओखलढुंगामा जंगी परेडको स्थापना भए पछि ऐसेलुखर्कमा ओखलढुंगाको शाखाका रुपमा जंगी अड्डाको स्थापना भएको थियो । २०१६ सालमा फेरी शाखाको रुपमा नै अदालतको स्थापना पनि भयो । त्यसै ताका जेल निर्माण पनि भएको थियो । वि.स. २०१६ मा जनसंख्यालाई ख्यालमा राख्दै प्राथमिक स्वास्थय केन्द्रको स्थापना भयो  । २०१९ साल सम्म यो ओखलढुंगा जिल्ला प्रशासनका मातहतमा रहेको थियो सो अनुरुप नेपाल ७५ जिल्लामा विभाजन भयो । सो क्रममा ऐसेलुखर्क सोलुखुम्बु जिल्लामा गाभियो । यसरी गाभि सकेपछि सम्पुर्ण कार्यालयहरुको सदरमुकाम सल्लेरीमा स्नानन्तरण भयो जस अनुसार २०२० सालमा अदालत, २०२५ सालमा जेल र २०३२ सालमा प्राथमिक स्वस्थ्य केन्द्र सल्लेरीमा सरीसकेपछि ऐसेलुखर्क सून्यमा परीणत भयो । वि.स. २०३२ को प्रशासनिक र राजनैतिक पुर्नगठणले ऐसेलुखर्क मात्र नभै यसै क्षेत्रकै इतिहासमा दोस्रो थप्पड मार्यो कि सोलुखुम्बु जिल्लामा पर्ने १५ गाउँ पञ्चायत खोटाङ जिल्लामा गाभिन पुगे । 
     परिस्थिति र समयको आधिवेरी संगै लडाई खेल्दै २०१७ सालमा डुम्रेकोट गाउँपञ्चायत बन्यो र २०२३ सालमा सल्ले डुम्रेधारापानी गाउँ पञ्चायत बन्यो । यसरी नै जनसंख्याको चाप र समयको माग अनुसार परिवर्तशिल रुपमा अगाडि बड्दै जाने क्रममा ज्यामिरे गाउँ पञ्चायतमा स्थापना भयो । 
       वि.स.२०४६ को राजनैतिक परिवर्तन संगै ज्यामिरे गाउँ पञ्चायत बाट गाउँ विकास समितिमा परिणत साथै वि.स.२०७३ फाल्गुन २७ गते संघीय संरचनाको कार्यान्वयन संगै ऐसेलुखर्क गाउँपालिकाको वडा नं. ६ कायम हुन पुगेको छ । 

 भौगलिक अवस्थितिः– 
        वडा नं. ६ ज्यामिरे २७० १८’ ४०” देखि २७० २१’ १५” उत्तरी अक्षांश सम्म फैलिएको छ । त्यस्तै ८६० ४०’ ५०” देखि ८६० ४३’ ३०”  पुर्वी देशान्तर सम्म रहेको छ । 

सिमानाः– 
           यस ६ नं. वडा ज्यामिरेको सिमाना पुर्वमा रावा वेसी गाउँपालिकाको डुम्रे , पश्चिममा दुधकोशी नदि, उत्तरमा ५ नं. वडा महेश्वरी र दक्षिणमा दुधकोशी नदी तथा सोलुखुम्वुको सिमाना रहेको छ ।
       
क्षेत्रफलः–
   यस वडाको क्षेत्रफल १२.८१ वर्ग कि.मि.तथा १,२८१.१५ हेक्टर रहेको छ ।
    
हावापानी :-     
       यस वडाको हावापानी विषमतापुर्ण छ । यस वडाको माथिल्लो भेगमा अलि चिसो हुन्छ । यस भेगको हावापानी समशितोष्ण प्रकृतिको पाईन्छ । यस वडाको तल्लो भाग बेंसी तथा खोच पर्दछ ।यहाँको हावापानी उष्ण छ । वेसी तीरको भागमा गर्मि याममा अति नै गर्मि हुने गर्दछ । 
प्रमुख नदीहरु तथा खोलानालाहरु :- 
  दुध कोशी नदि
 लुकुवा खोला
 काभ्रे खोला 
प्रमुख धर्महरु :-
      यस वडामा हिन्दु धर्म, वौद्ध धर्म, र क्रिश्चियन धर्म मान्ने मानिसहरु  रहेका छन् ।

प्रमुख जात जातिहरु :-
६ नं. वडा ज्यामिरेमा क्षेत्री, ब्राहमण, तामाङ, राइ, मगर आदि जातिहरुको वसोवास रहेको छ । 

उच्च शिक्षा तथा विद्यालय :-
        यस ६ नं. वडामा ४ वटा प्रारम्भिक वाल विकास केन्द्र, ४ वटा प्राथमिक विद्यालय, ० वटा आधारभुत विद्यालय ,  १ वटा माध्यमिक विद्यालय  रहेका छन् ।